好少講外娛。

尤其系泡菜國嘅娛樂話題。

睇翻，泡菜國音樂大概紅咗10幾年，即系大概成個東南亞都好紅，甚至沖出亞洲個只。

而數(shù)落，時間啱啱好，就系千禧年香港樂壇日薄西山之后，好聽啲講，系一個好吻合嘅銜接；難聽啲講，叫替代都無妨。

而呢幾年，泡菜國嘅電影同劇集，一樣拍得非常好睇，已有沖出亞洲之勢。

呢樣嘢，又好似當年港產片一樣，沖到去荷里活門口嘅感覺。

而泡菜國嘅劇集，呢兩年最紅個部，肯定非全球爆紅嘅《魷魚游戲》莫屬。

舊年呢套劇集上架后，以28日時間創(chuàng)造觀看超過16.5億小時嘅記錄，榮登Netflix有史以來最受歡迎嘅影集，成為全球熱門話題。

尋日，呢間全球最大在線視頻公司Netflix(入唔到嚟/冇中文名/一般叫奈飛/網飛)，正式宣布《魷魚游戲》會開第二季。

同時發(fā)布了第二季嘅新海報。

海報上只有一只大眼睛，如果睇過嘅朋友，肯定認到呢個就系木頭人娃娃嗰只恐怖大眼睛。

而《魷魚游戲》導演黃東赫，就特別寫信給全球影迷，以「新的游戲即將開始」為主題透露開拍第二季嘅消息。

佢話《魷魚游戲》構思喺12年前，直到舊年先至有機會拍攝同推出，上架12日就成為Netflix 20多年來最受歡迎的作品。

而佢作為呢部戲嘅編劇、導演同制作人，衷心感謝全球Fans支持，多謝大家觀看同鐘意《魷魚》。跟住佢就正式宣布「奇勛」（李政宰飾）要翻嚟，「Front man」（李炳憲）都要翻嚟，而「西裝男」（孔劉）都有可能會回歸。

重點系，你仲可以見到「木頭人公仔」男朋友哲秀。木頭人公仔，喺第一季第一集就出現(xiàn)，呢只嘢非常殘暴，講完「123木頭人」之后，就會180度擰轉頭，如果見到有人郁，就會即刻開槍掃射。

但亦因為佢可愛得嚟，又好得人驚，所以成為《魷魚游戲》一個知名icon。其實呢個「木頭人公仔」有個韓名，叫「英熙」，佢嘅形象來自韓國70、80年代嘅教科書。

「英熙」有個好朋友叫「哲秀」，呢兩位小朋友不時會喺韓國嘅教科書插圖中出現(xiàn)，系韓國人嘅童年回憶。有啲似我哋舊時人教版嘅初中英語教科書中嘅「韓梅梅」同「李雷」。有睇過《魷魚游戲》第一季嘅朋友，都會知道「魷魚游戲」以及劇中出現(xiàn)過嘅木頭人游戲、拔河游戲、椪糖游戲、彈珠游戲等等，都系以前韓國小朋友玩過嘅游戲。

而第二季有埋「哲秀」同「英熙」呢對最佳拍檔拍住上，驚栗同恐怖程度，肯定會再升級。至于第一季出現(xiàn)嘅其他角色，其實個個演技都好好，令觀眾印象深刻。

雖然呢啲角色大多數(shù)，都喺劇中玩游戲輸咗而冇咗條命。不過主角「奇勛」（李政宰）早排接受訪問，就漏口風話，「雙門洞的驕傲」奸角樸海秀會被救翻。

而「脫bei女」鄭好娟就會以孖生姊妹嘅身份翻生。咁講又似層層喎，因為「雙門洞的驕傲」第一季結尾同「奇勛」困獸斗輸咗，被面具人射殺，但鏡頭就冇交代佢系咪真系瓜咗。

至于「脫bei女」就因為身體被玻璃片刺中瓜咗，舊角色肯定冇辦法復活，借用雙胞胎姊妹嘅玩法，又的確系好多電影電視劇續(xù)集「欺騙觀眾/滿足觀眾」嘅慣常手法。《魷魚游戲》第一季一共有9集，故事講述456個背景唔同、各自爭人周身債、人生失意嘅人，為咗贏得456億韓元嘅獎金，而參與致命嘅兒童游戲。

劇集爆紅唔止令全球掀起「魷魚熱」，周邊產品多不勝數(shù)，最犀利嘅系呢部劇可以得到全球各地觀眾嘅認同。飾演001號「剛布爺爺」嘅吳永秀，仲奪得同「奧斯卡」齊名嘅「金球獎」最佳電視男配角。

飾演主角「奇勛」嘅李政宰，亦榮獲「評論家選擇電視獎」男主角獎、「美國演員工會獎」等等大獎，為韓國影視圈帶來耀眼光環(huán)。

睇到人哋泡菜國流行文化可以席卷全球，睇翻我哋——不斷以懷舊之名，不停循環(huán)消費情懷，搞出一個又一個懷舊粵語歌、懷舊港產片嘅「元宇宙」。

而呢種「元宇宙」，雖然入邊冇疫情、好輝煌、又型又勁，但系就充滿過去式嘅自我感覺良好。

所以，唔好再提乜嘢「粵語流行文化」有機會翻生嗰啲衰嘢啦。

如果有人覺得有，咁可能系睇多咗綜藝。